Hun sawtpi apat Zolengthe.Net in I nampi Sepai mangpa, Zou Defence Volunteer C-in-C, Pu Kamkhanpao toh houlimna nei ding a na kitum zing hi. Muloutongsan tungtawn a houlim pi ding kisawm zing hi, hinanleh sum-le-pai thu ahiman in ki bawl thei lou a, hun lem hing kisuongtuo kawi kawi in India Govt., Manipur Govt ban ah UPF leh KNO in Delhi khopi a hiemkhamna suoi akai un ama zong hing tel kha ahi chia aki thei chieng in zulei khuot bang in alampi ki khuot a, a nanaah in a tawp khong ah ki houlimpi thei hi. Tuo zong hun neilou sasa houlimpi ahi nalai hi. Minute 30 ding vel chouch houlim ahi sung in tam anei a teng ki teidoh man hi. Houlimna tomkim.
ZLT – ZOLENGTHE
KKP – Pu Kamkhanpao
ZLT: Lamkaipu tabang hun ki bichil komkal a na hun manpha na'ng pieh ziehin lungdam thu hing tun ing e..
KKP: Nampi sung a tabang kithuzahna hoitah na'ng patkhiet ban ah ahun zil a lamkaite interview na'ng bawl zel pen thupi sa ma ma ing. Maban a zong naahpitah in hing pang tou zel in. Kei zong nang toh kimu pen a ut zing kahi. Kipahuoi e.
ZLT: Hun tampi na nei loutoh thu doh nuom them khat ka neite hing dong pai biet buot mai vang I zaw.
KKP: Hitaven leh, bang thu hing doh sawm nata maizen a, zau huoi sim ve chin aw. (nuikhawm)
ZLT: Bang thu dang hilaizang lou, ZDV tungthu ma hiven, thu ka'ng doh ta pou im neilou in hing gen chieng setset lechin kipa ma ma ding ka hi. Thu chieng sui a hing dieng kahi aw.
KKP: I Zou mipite thei ding a poimaw teng khat zong hing im sih vang e. Ki suongla sin.
ZLT: Achileh I thupi ah lut pai vai le. Bang tupna toh ZDV na na phu doh uh ahiei?
KKP: I Zou nampi venbitna diing liu lieu a ana kiphut ahi.
ZLT: I nampi venbitna diing ahileh koi ahei khat toh kidouna, ki tuol delna nei talei ZDV in I nampi na veng bit zou tah tah na di uai?
KKP: Thau leh thagum, tha tang a vengbit chipen akoi akoi in nampi khat vengbit zou lou ding ahi. Ahi'n venbit chipen lampi chi tuomtuom a kivenbit dan um hi. Sisan naisan kisuo a, a shi leh liem um zeng zung a ki venbit zong um thei a, shisan naisan kisuo lou a ki venbit dan zong um thei hi.
ZLT: Shisan naisan kisuo a kivenbitdan pen miteng in thei chiet di'n koi tadi lei, tuote umlou a kivenbitna theina na chi bang chi bang hita?
KKP: Lungsim leh huabu zang a kivenbit thei ahi. A thu leh la in zong ki venbit thei hi. Thau tawi leh thau tawi pen kihou lem dan alampi um thei, khat in thau tawi a khat in a tawi lou chieng in kisimmawna um a, hinanleh thau tawi khat in thau tawi dang khat a simmaw leh sil lienpi bawl khiel mama china ahi lel hi. Tulai thau tawi leh tawite pen a thu a kilemna leh I nampi chiet kivenbit theina dialogue tungtawn in um thei hi.
ZLT: Tua ahitaleh unao Thadou leh Paite buoilai in ei zong thau ana tawi hitalei tua I shi ja, i inn, i lou i tanja kitaan kha lou ma di ave maw?
KKP: Hitham e, Saipi leh saipi aki buon chieng un a gei lah a athuo kha lou ding tan in a thuo kha pen sil um thei ma ahi, hinanleh a thuo lou di tanpha in a thuo kha pen I nam min a kam ka di leh hangsan tah a a'ng gumtu di lamkai muonhuoi leh a nam a di'a shi ngam I na um lou zieh ua I tuo loudi teng kituo kha ma ahi. Tua hunlai in tu I din mun ah a an ding hita lei zong tam teng kituo lou mai thei ahita hi. I tuahta lezong en zong bawl thei them khat be kinei ta diing hi.
ZLT: ZDV a'ng kipat dan tomkim in nang gen thei diei?
KKP: Gen thei tham e. ZDV hing kipatna bulpi ahileh I gensa mabang in kum 1997 in unao Paite leh Thadou te ngaidan kibah lou ziehin hing kibuoi kha uhi. Tua hunlai in lamkai hangsan leh Zou nam it I na umlou zieh in unao Paite te'n simmawna leh musitna sangtah nei in mawna neilou Zou ta tha-le-mat mai hilou, inn-le-lou haltum sah a'ng thuo zieh un ki pawna seng ahiman in I Zou nam venbit sawmna toh ZDV ana kiphutkhie hi.
ZLT: Ana kiphutkhie chimawh! Nam lamkaite tellou a nang ma'n nana maw phusuh e, ahilou leh I nam lamkai te'n ang theipi na uh amah?
KKP: ZDV pen mimal thanuomna zieh a ana kiphing phu hilou in, I mi, I sa mawna bei shi leh liem ban ah inn leh lou kihalsah atam seng man in akoi akoi ki thangpai hi. Tua hunlai in Imphal Excellency Hotel ah Zou sunga lamkai upate'n kihouna ana nei uhi (ZLT: Ahun leh ani lah? KKP: Thei chiitchiet nawn lou hiveng aw). Pu T. Gougin leh lamkai khenk khat in alang a lang ah dieng le vai in lemna thu tangkoupi vai achilai un, tu a I UZO President Pu T. Hangkhanpao in nou ahan (upate) na khawl tadi un, kou a khangtha te'n vai ka hing sai na ding uhi. Lakh 30/40 I chi leh ahasasih hi ana chi hi. Tuachi'n thutanna pitah umlou in aki khen kia uhi. Hinanleh buoina in I Zou sung nasatah a ahing tohkha deudeu man in, tua hunlai a UZO President Pu Thangkhanlal damlou Delhi a kizensah in UZO Vice President, Pu S. Thangkhenkhup incharge pie in Zou tate venbit/kepbit ding dan ahing ngaituata uhi.
October 11, 1997 ni'n Tuining Jr. High School, Tuining khuo ah UZO Home Secretary, Pu Amchinkam vaisaina nuoi ah Zou Defence Volunteer (ZDV) ana ki phutdoh hi.
Tuanah a lamkai ding zong kiguong pai hi.
Pu Kamkhanpao - Commander in Chief, ZDV
Pu Khamlienkhup @ Lalrum @ Elvis – Deputy Commander in Chief ding in ki guong pai hi.
Kei (Pu Kamkhanpao) zong C-in-C dinga guon a ka um tah chiengin ZDV a om leh a enkol tu ding I nei ngai ahi chia thu ka sun chieng in Lamkai peikhawm te'n hoisa in Zou Defence Committee (ZDC) chi'n UZO Home Secretary nuoi ah ki guon be kia hi. Tam ZDC lamkai ding in mi muonhuoite ana ki guong kia hi.
UZO Home Secy., Pu Amchinkam pen Chairman, ZDC ki hisah hi.
UZO Jt. Secy. Pu Nehkhojang pen Secretary, ZDC in ki guong a,
Lamka Block UZO President, Pu Gouzalal pen Finance Secretary, ZDC
UZO Executive Member, Pu Vumchinkhup Organiser, ZDC ban ah
UZO Volunteer Commander, Pu Khuplienpao pen Supplier, ZDV in ki guong hi.
ZLT: Akataraisai aw! I theina khel lam a piching tah a ana ki puoh na bou ve vua le maw? (Nui khawm zual)
ZLT: Achileh Training chivel lah them khat hing kum lechin bang asietna a um lawm lawm ding amah?
KKP: Training lam pen kup ding a tam in tam, hinanleh I Zou nampi thei ding in them khat hing talang vang maw. (ZLT: Hoiven). Training di'a ka kuon masang uh, October 31, 1997 ni'n Zou Defence Committee te'n Khuoinuoi ah ZDV mi 80 leh chivel haahkhietna annkuong ahing umpi uhi.
Tualeh November 1, 1997 jingmawng nai 7 in Khuoinuoi sanginn ah ZDC Secretary Pu Nehkhojang in kei (Pu Kamkhanpao) leh Pu Khamlienkhup kichiemna huoisetah ahing neisah a tuachi'n tangval teng zong a neisah jou in jing an kine a, tuachi'n Pu Khamlienkhup lamkaina toh nam sepaite training ding in Khuongtaljou zuon in a kuondohta uhi.
ZLT: A dang teng kuon nachi mawh in, nang lah kuon lou i?
KKP: Kei (Pu Kamkhanpao) leh Pu Vumchinkhup ka hi u leh November 2, 1997 in sep ding bawl diing tuom tuom nei ka hi man un Phaisat zuon in ka kuon khie uhi.
ZLT: Ahitaleh Training napan pai vuai, ahi sih leh bang chi dan in pan nala vuai? Koi in a'ng train ei?
KKP: Training pen amun aki tun tun in kipan pai hi. November 5, 1997 in kipan paita. Training hing pe di ahileh I mi, I sa a dim pi'n um, ahin deitel tah in mi khunkhop in training ahing pie uhi.
ZLT: Tualang tuatan in nga tavai. Ka thuja dan in Training na kuon zaw uh sawtlou in I lamkai ten hing kilepsan chi dan in thu ka thei sim a. adih na e?
KKP: I lamkaite thei but di hilou, hei lang a bang thu thei ata di uai mah, December 1997 ma ma in ahing kilepsan kia ta pial pual uhi. ZDV suhbei ding zong kida naisai lou, hinanleh ZDV leh ZDC zong ki thuja man nailoupi'n naupan huoi tah in ahing taisan mawh uhi.
ZLT: Tuachi'a ahing kilepsan thei uleh bang ahei khat a um china hilou di e?
KKP: A bang a hei pen tah khu ki thei but lou, ginmaw sil khat vang um na, tuapen awl a ngaisut di'n koi phot nalai vai.
ZLT: Ginmaw na chipen lah, bang ata diei le?
KKP: Nang zong chiitchiet aw, awl in mipi thei ding in gen doh nai.
ZLT: Na chi vevaw le lah hita ven leh…
ZLT: Tuachi'a I lamkaite'n a'ng kilepsan lai un bang lung na gel ei?
KKP: Meipuo tah a gam leh nam makai ahiman un ka thei siem mama hi. A nam, a gam leh a mite ding ua ding ngamloute ahi man un buoipi ta kasa vate sih hi.
ZLT: Achileh na training u lah, na sun zom suoh na uai leh?
KKP: Training pen ahileh ki sun zom niing nieng sam.
ZLT: Tu masang in Meitei singneimite nuoi a um dan in thu akiza a.
KKP: Aki um na hi. Um chilei a suo le sal dan ua um ki hi lou, hamphatna tampi toh ki um ahi. Kum 2002 in PREPAK te tung tawn in free sponsore kimu a, tuachi'n ama uh khut zang in training kipan kia thei.
ZLT: Kum 2003 kum a India sepaite ambush chidan in thu akiza a, nou bawl tahpi ahina e?
KKP: Kum 2003 kum in Sajik Tampak area ah BSF te toh huoise tah mai in kikaptuona tampi vei akinei hi.
ZLT: Tua ahitaleh Operation All Clear hunlai in bang chi'n pan nanala uai leh?
KKP: Im lou a gen ding in tua hunlai in chimawtah in hinkhuo ana ki zang ma hi. Beidong tah a hinkhuo akizah lai in I genthei I chimaw nia thumna sangpa Pasian ahi chi'n tangval teng toh "Mangpa Israel te zong Tuipisan na galkai sah hilou amah? Kou zong OAC hing galkai sah in" chi'n thungetna nasatah in kana nei uhi. Tua dungjui in Pasian in lampi hing honpia in October 27, 2005 in Chief of Army Staff Secretariate ah Suspension of Operation suoi ana kikai thei ta hi.
ZLT: Meitei te nuoi a na um zaw ua, KNO nuoi a um kia hilou nahi uh e? Tua pen bang chidan a um le le thei na hi vuai?
KKP: Thumna sangpa Pasian in Zou tate manghil ngeilou ahiman in I lampi diing hing honsah tou zel himai lou di amah? Kou kahi uleh tunitan in tangvalte toh thumna kanei thei zing nalai uhi. Tuapen Pasian in hing ngaikhietsah zing nalai ahi.
ZLT: Tuachi'a thumna toh pan nala thei zing pen uh kiletsahpi huoi tah leh lamkai ettonta mama nahidan thei tha tha na bou ing e!
ZLT: KNO a bang chi kum a luut na hita uai le? Bang chidan a KNO apat hing dieng doh kia thei jel?
KKP: Kipumkhat ding deina in KNO ah 2006 kum in ana ki lut hi. (ZLT: Bang chidan a KNO na'ng taisan kia uh hita?) Ka'ng pawtna san uh ahileh KNO sungah Divide & Rule Policy zang in ZDV ahing kitattuo sah ua, eima-le-eima ahing ki that tua sah ta uhi. Tua ahiman in Manipur pulang mun tuom tuom ah ZDV tangvalte koi khiet ahita uhi.
ZLT: Tuapen Kamdouveng lah vel a na buai zeng zung lai uh hi ven maw?
KKP: He, hina.
ZLT: Achileh tua Bijang a zong ZDV mi um nalai dan in news vel ah akilang zel in leh?
KKP: Mun chin gam chin a um kha na vei, ahi'n tua lang ah mi ana umta lezong, I Zou nampi a di'a nasem hi veve, alang lang ah um koi lei zong, I Zou nam I ngainatna pen kiem tuom sih na ven. Ni khat ni chieng in gam-le-nam itt tah tah ahi uleh abulpi ma hing tung kia ve ve na ding uhi. Tuote pen bang chilai pou a ki ngai zing, bang chilaipou a ki lamdawn zing ding ahi.
ZLT: Ahita leh, Lamkaipu tulaitah in hei mun ah na khosa uai leh? Bang a ki toudel, I nam sunga sum-le-pai na don lam ulah ki thei kha lou, demand na bawl uh chilah ki za kha lou? Bang toh ki toudel mawng na hi uh e?
KKP: Tualaitah in ahileh unau UKLF leh KNF te deisahna leh panpina toh kum 2008 kumbul apat in aki khosa phot hi. Na gen ma bang in I nam sungah sum-le-pai bangma ngetna leh demand va ong chite ki bawl nai lou ma ahi. Azieh ahileh Pasian in ama a ki tulut zou zingte lampi ding honsah zing nalai ahi man hiva chi ing.
ZLT: Maban hun hing tung jel dingah, mi dangte bawl dan in I nam sung a sepna neite leh innsuon chivel ah sum don na bawl sawm vuai leh?
KKP: Tua pen a hun leh a mun zil in hing ki bawl jel nalou diing amah? Mi dang in a nget chienga niel gamlou a pete'n I nam sung etkolna diinga a piehni uh hing um tham diing ahi.
ZLT: Sawtsim ta ma leh them khat hing dong nalai vang. Tutung a UPF min a hiemkhamna suoi kai a nang pan kha bang chi dan a alampi hing kihong hi jel ta?
KKP: Zouthai te chidan hileh "Pasian ziehma hijeel!" I mupha ban lou leh I lam et lou bang tah a lampi Pasian in hing honsah jel. Alam pi hing kihong tou tou in unaute deisahna toh August 22, 2008 ni'n Delhi Tualpi ah Manipur Govt, India Govt apat Home Department lamte toh UPF leh KNO in suoi kai a tuona ei zong vaki pang kha zel mai. Pasian sil bawl ma ahi.
ZLT: ZRA lam ah zong ZDV tangval bangja ahiei lutta aki chi a, thudih ahina e?
KKP: Dihna, 2007 kum in Tuibuang leh Bijang, Kamdouveng leh tua phei ah ki khosa hi. Hinanleh I sung a vai dih lou a hing saitu a um zieh in Pu Chungkhojam August 23, 2007 ni'n hing tha sah ua, (ZLT: Koite tha dan e?) mi dangte vaisaina toh eima leh eima ki that ki hi e. Tualeh August 31, 2007 ni'n Pu Pumzapao leh Pu Kapsuonthang te ahing thasah kia uhi. Tuazieh in damna ding sui in ZRA lam ah I tangval group khat ana taima ahi uhi.
ZLT: Tua chia nou sung apat taidohte tungah bang silpieh na nei sawm vuai leh?
KKP: Tapa taimangpa banga kisia a a pa kung a zot kia leh bang chilai pou a ngaidam di'a man sa ki hi zing ahi.
ZLT: Na hun zong kinaw simta in, a tawpna ding in I Zou mipite kungah bang vaiha nuom na nei ei? Tomkim in.
KKP: Vaiha nuom pen tam ven, ahin poimaw kasha khen khat ahileh.
1. Nampi lamkai, ma ni gilpi khuollou khat I nei uh a ngai hi. Tua I nei masang uh I nampi pen mite vaihawm khum I hi zing ding uhi.
2. Mipite'n lung kelou in ana ngah ham ham nalai pou lei, I nam sung leh I gam sung ah ZDV in vai hing hawm pai ding ahi.
3. Buoina, bangna I nei chieng ua mite nuoi a I tungthu khendi'a va kuun khou khou ngailou ahi. I Zou sungthu khen dinga UZO, ZWC um hilou ahiei mah? Tuate'n akhen thei lou leh apoimaw bang a thu kikhen ding ahi.
4. Zou tate'n Pasian giing pum in dihtatna toh nna sem pou lei, koima khut nuoi a um diingte ki hi lou hi. Guntuna ki tasam, dihtatna ki poimaw, Pasian ngaisahna tawm. Zu-le-kham thei a kimawlna I lah ah uang. Tamte ahi bangtah a I zah thei lou laisie ki khang theilou ding ahi.
5. UZO in mimal kimudana zieh a si le lang nei a vai ahawm lou ding, Zou ahipou leh aki bang a a koi ding ahi. Mimal a ki thei siemlouna ana um ta lezong, Nampi lamkai ahing hi chieng ua tuote a pampai ua, apoimaw bang anasep apankhawm ding uh ahi.
6. UZO danbu zong tu masang a bang a a um kia ngai. Adang teng zong phana, ahi'n "Zou ham zang teng Zou ahi" achi khel khel pen I gam neu suhsuh ahiman in tam pen akin lam a siemphat kia poimaw kasa hi.
7. Zou nampi ahileh hun nukhie a ding I hi tau hi. Tua ahiman in salam, khalam a ki siemtha ding in Zou mipite ZDV te'n ka chiel un, ka deisah thu uh ka tun uhi.
ZLT: Khaile, nang zong kinaw pien sim chin, tam tan ah nga phot tavai maw le?
KKP: Na chileh hita ven.
ZLT: Na hun manpha tah I nampi a diinga na'ng khiet man in lungdam mama ing e.
KKP: Kei zong lungdam ing e. Damvai aw le.
ZLT: Dam vai e. I nam leh I gam a diing in.
Source: Zolengthe.net
T. Zamlunmang Zou
Comment kipete:
ZLT – ZOLENGTHE
KKP – Pu Kamkhanpao
ZLT: Lamkaipu tabang hun ki bichil komkal a na hun manpha na'ng pieh ziehin lungdam thu hing tun ing e..
KKP: Nampi sung a tabang kithuzahna hoitah na'ng patkhiet ban ah ahun zil a lamkaite interview na'ng bawl zel pen thupi sa ma ma ing. Maban a zong naahpitah in hing pang tou zel in. Kei zong nang toh kimu pen a ut zing kahi. Kipahuoi e.
ZLT: Hun tampi na nei loutoh thu doh nuom them khat ka neite hing dong pai biet buot mai vang I zaw.
KKP: Hitaven leh, bang thu hing doh sawm nata maizen a, zau huoi sim ve chin aw. (nuikhawm)
ZLT: Bang thu dang hilaizang lou, ZDV tungthu ma hiven, thu ka'ng doh ta pou im neilou in hing gen chieng setset lechin kipa ma ma ding ka hi. Thu chieng sui a hing dieng kahi aw.
KKP: I Zou mipite thei ding a poimaw teng khat zong hing im sih vang e. Ki suongla sin.
ZLT: Achileh I thupi ah lut pai vai le. Bang tupna toh ZDV na na phu doh uh ahiei?
KKP: I Zou nampi venbitna diing liu lieu a ana kiphut ahi.
ZLT: I nampi venbitna diing ahileh koi ahei khat toh kidouna, ki tuol delna nei talei ZDV in I nampi na veng bit zou tah tah na di uai?
KKP: Thau leh thagum, tha tang a vengbit chipen akoi akoi in nampi khat vengbit zou lou ding ahi. Ahi'n venbit chipen lampi chi tuomtuom a kivenbit dan um hi. Sisan naisan kisuo a, a shi leh liem um zeng zung a ki venbit zong um thei a, shisan naisan kisuo lou a ki venbit dan zong um thei hi.
ZLT: Shisan naisan kisuo a kivenbitdan pen miteng in thei chiet di'n koi tadi lei, tuote umlou a kivenbitna theina na chi bang chi bang hita?
KKP: Lungsim leh huabu zang a kivenbit thei ahi. A thu leh la in zong ki venbit thei hi. Thau tawi leh thau tawi pen kihou lem dan alampi um thei, khat in thau tawi a khat in a tawi lou chieng in kisimmawna um a, hinanleh thau tawi khat in thau tawi dang khat a simmaw leh sil lienpi bawl khiel mama china ahi lel hi. Tulai thau tawi leh tawite pen a thu a kilemna leh I nampi chiet kivenbit theina dialogue tungtawn in um thei hi.
ZLT: Tua ahitaleh unao Thadou leh Paite buoilai in ei zong thau ana tawi hitalei tua I shi ja, i inn, i lou i tanja kitaan kha lou ma di ave maw?
KKP: Hitham e, Saipi leh saipi aki buon chieng un a gei lah a athuo kha lou ding tan in a thuo kha pen sil um thei ma ahi, hinanleh a thuo lou di tanpha in a thuo kha pen I nam min a kam ka di leh hangsan tah a a'ng gumtu di lamkai muonhuoi leh a nam a di'a shi ngam I na um lou zieh ua I tuo loudi teng kituo kha ma ahi. Tua hunlai in tu I din mun ah a an ding hita lei zong tam teng kituo lou mai thei ahita hi. I tuahta lezong en zong bawl thei them khat be kinei ta diing hi.
ZLT: ZDV a'ng kipat dan tomkim in nang gen thei diei?
KKP: Gen thei tham e. ZDV hing kipatna bulpi ahileh I gensa mabang in kum 1997 in unao Paite leh Thadou te ngaidan kibah lou ziehin hing kibuoi kha uhi. Tua hunlai in lamkai hangsan leh Zou nam it I na umlou zieh in unao Paite te'n simmawna leh musitna sangtah nei in mawna neilou Zou ta tha-le-mat mai hilou, inn-le-lou haltum sah a'ng thuo zieh un ki pawna seng ahiman in I Zou nam venbit sawmna toh ZDV ana kiphutkhie hi.
ZLT: Ana kiphutkhie chimawh! Nam lamkaite tellou a nang ma'n nana maw phusuh e, ahilou leh I nam lamkai te'n ang theipi na uh amah?
KKP: ZDV pen mimal thanuomna zieh a ana kiphing phu hilou in, I mi, I sa mawna bei shi leh liem ban ah inn leh lou kihalsah atam seng man in akoi akoi ki thangpai hi. Tua hunlai in Imphal Excellency Hotel ah Zou sunga lamkai upate'n kihouna ana nei uhi (ZLT: Ahun leh ani lah? KKP: Thei chiitchiet nawn lou hiveng aw). Pu T. Gougin leh lamkai khenk khat in alang a lang ah dieng le vai in lemna thu tangkoupi vai achilai un, tu a I UZO President Pu T. Hangkhanpao in nou ahan (upate) na khawl tadi un, kou a khangtha te'n vai ka hing sai na ding uhi. Lakh 30/40 I chi leh ahasasih hi ana chi hi. Tuachi'n thutanna pitah umlou in aki khen kia uhi. Hinanleh buoina in I Zou sung nasatah a ahing tohkha deudeu man in, tua hunlai a UZO President Pu Thangkhanlal damlou Delhi a kizensah in UZO Vice President, Pu S. Thangkhenkhup incharge pie in Zou tate venbit/kepbit ding dan ahing ngaituata uhi.
October 11, 1997 ni'n Tuining Jr. High School, Tuining khuo ah UZO Home Secretary, Pu Amchinkam vaisaina nuoi ah Zou Defence Volunteer (ZDV) ana ki phutdoh hi.
Tuanah a lamkai ding zong kiguong pai hi.
Pu Kamkhanpao - Commander in Chief, ZDV
Pu Khamlienkhup @ Lalrum @ Elvis – Deputy Commander in Chief ding in ki guong pai hi.
Kei (Pu Kamkhanpao) zong C-in-C dinga guon a ka um tah chiengin ZDV a om leh a enkol tu ding I nei ngai ahi chia thu ka sun chieng in Lamkai peikhawm te'n hoisa in Zou Defence Committee (ZDC) chi'n UZO Home Secretary nuoi ah ki guon be kia hi. Tam ZDC lamkai ding in mi muonhuoite ana ki guong kia hi.
UZO Home Secy., Pu Amchinkam pen Chairman, ZDC ki hisah hi.
UZO Jt. Secy. Pu Nehkhojang pen Secretary, ZDC in ki guong a,
Lamka Block UZO President, Pu Gouzalal pen Finance Secretary, ZDC
UZO Executive Member, Pu Vumchinkhup Organiser, ZDC ban ah
UZO Volunteer Commander, Pu Khuplienpao pen Supplier, ZDV in ki guong hi.
ZLT: Akataraisai aw! I theina khel lam a piching tah a ana ki puoh na bou ve vua le maw? (Nui khawm zual)
ZLT: Achileh Training chivel lah them khat hing kum lechin bang asietna a um lawm lawm ding amah?
KKP: Training lam pen kup ding a tam in tam, hinanleh I Zou nampi thei ding in them khat hing talang vang maw. (ZLT: Hoiven). Training di'a ka kuon masang uh, October 31, 1997 ni'n Zou Defence Committee te'n Khuoinuoi ah ZDV mi 80 leh chivel haahkhietna annkuong ahing umpi uhi.
Tualeh November 1, 1997 jingmawng nai 7 in Khuoinuoi sanginn ah ZDC Secretary Pu Nehkhojang in kei (Pu Kamkhanpao) leh Pu Khamlienkhup kichiemna huoisetah ahing neisah a tuachi'n tangval teng zong a neisah jou in jing an kine a, tuachi'n Pu Khamlienkhup lamkaina toh nam sepaite training ding in Khuongtaljou zuon in a kuondohta uhi.
ZLT: A dang teng kuon nachi mawh in, nang lah kuon lou i?
KKP: Kei (Pu Kamkhanpao) leh Pu Vumchinkhup ka hi u leh November 2, 1997 in sep ding bawl diing tuom tuom nei ka hi man un Phaisat zuon in ka kuon khie uhi.
ZLT: Ahitaleh Training napan pai vuai, ahi sih leh bang chi dan in pan nala vuai? Koi in a'ng train ei?
KKP: Training pen amun aki tun tun in kipan pai hi. November 5, 1997 in kipan paita. Training hing pe di ahileh I mi, I sa a dim pi'n um, ahin deitel tah in mi khunkhop in training ahing pie uhi.
ZLT: Tualang tuatan in nga tavai. Ka thuja dan in Training na kuon zaw uh sawtlou in I lamkai ten hing kilepsan chi dan in thu ka thei sim a. adih na e?
KKP: I lamkaite thei but di hilou, hei lang a bang thu thei ata di uai mah, December 1997 ma ma in ahing kilepsan kia ta pial pual uhi. ZDV suhbei ding zong kida naisai lou, hinanleh ZDV leh ZDC zong ki thuja man nailoupi'n naupan huoi tah in ahing taisan mawh uhi.
ZLT: Tuachi'a ahing kilepsan thei uleh bang ahei khat a um china hilou di e?
KKP: A bang a hei pen tah khu ki thei but lou, ginmaw sil khat vang um na, tuapen awl a ngaisut di'n koi phot nalai vai.
ZLT: Ginmaw na chipen lah, bang ata diei le?
KKP: Nang zong chiitchiet aw, awl in mipi thei ding in gen doh nai.
ZLT: Na chi vevaw le lah hita ven leh…
ZLT: Tuachi'a I lamkaite'n a'ng kilepsan lai un bang lung na gel ei?
KKP: Meipuo tah a gam leh nam makai ahiman un ka thei siem mama hi. A nam, a gam leh a mite ding ua ding ngamloute ahi man un buoipi ta kasa vate sih hi.
ZLT: Achileh na training u lah, na sun zom suoh na uai leh?
KKP: Training pen ahileh ki sun zom niing nieng sam.
ZLT: Tu masang in Meitei singneimite nuoi a um dan in thu akiza a.
KKP: Aki um na hi. Um chilei a suo le sal dan ua um ki hi lou, hamphatna tampi toh ki um ahi. Kum 2002 in PREPAK te tung tawn in free sponsore kimu a, tuachi'n ama uh khut zang in training kipan kia thei.
ZLT: Kum 2003 kum a India sepaite ambush chidan in thu akiza a, nou bawl tahpi ahina e?
KKP: Kum 2003 kum in Sajik Tampak area ah BSF te toh huoise tah mai in kikaptuona tampi vei akinei hi.
ZLT: Tua ahitaleh Operation All Clear hunlai in bang chi'n pan nanala uai leh?
KKP: Im lou a gen ding in tua hunlai in chimawtah in hinkhuo ana ki zang ma hi. Beidong tah a hinkhuo akizah lai in I genthei I chimaw nia thumna sangpa Pasian ahi chi'n tangval teng toh "Mangpa Israel te zong Tuipisan na galkai sah hilou amah? Kou zong OAC hing galkai sah in" chi'n thungetna nasatah in kana nei uhi. Tua dungjui in Pasian in lampi hing honpia in October 27, 2005 in Chief of Army Staff Secretariate ah Suspension of Operation suoi ana kikai thei ta hi.
ZLT: Meitei te nuoi a na um zaw ua, KNO nuoi a um kia hilou nahi uh e? Tua pen bang chidan a um le le thei na hi vuai?
KKP: Thumna sangpa Pasian in Zou tate manghil ngeilou ahiman in I lampi diing hing honsah tou zel himai lou di amah? Kou kahi uleh tunitan in tangvalte toh thumna kanei thei zing nalai uhi. Tuapen Pasian in hing ngaikhietsah zing nalai ahi.
ZLT: Tuachi'a thumna toh pan nala thei zing pen uh kiletsahpi huoi tah leh lamkai ettonta mama nahidan thei tha tha na bou ing e!
ZLT: KNO a bang chi kum a luut na hita uai le? Bang chidan a KNO apat hing dieng doh kia thei jel?
KKP: Kipumkhat ding deina in KNO ah 2006 kum in ana ki lut hi. (ZLT: Bang chidan a KNO na'ng taisan kia uh hita?) Ka'ng pawtna san uh ahileh KNO sungah Divide & Rule Policy zang in ZDV ahing kitattuo sah ua, eima-le-eima ahing ki that tua sah ta uhi. Tua ahiman in Manipur pulang mun tuom tuom ah ZDV tangvalte koi khiet ahita uhi.
ZLT: Tuapen Kamdouveng lah vel a na buai zeng zung lai uh hi ven maw?
KKP: He, hina.
ZLT: Achileh tua Bijang a zong ZDV mi um nalai dan in news vel ah akilang zel in leh?
KKP: Mun chin gam chin a um kha na vei, ahi'n tua lang ah mi ana umta lezong, I Zou nampi a di'a nasem hi veve, alang lang ah um koi lei zong, I Zou nam I ngainatna pen kiem tuom sih na ven. Ni khat ni chieng in gam-le-nam itt tah tah ahi uleh abulpi ma hing tung kia ve ve na ding uhi. Tuote pen bang chilai pou a ki ngai zing, bang chilaipou a ki lamdawn zing ding ahi.
ZLT: Ahita leh, Lamkaipu tulaitah in hei mun ah na khosa uai leh? Bang a ki toudel, I nam sunga sum-le-pai na don lam ulah ki thei kha lou, demand na bawl uh chilah ki za kha lou? Bang toh ki toudel mawng na hi uh e?
KKP: Tualaitah in ahileh unau UKLF leh KNF te deisahna leh panpina toh kum 2008 kumbul apat in aki khosa phot hi. Na gen ma bang in I nam sungah sum-le-pai bangma ngetna leh demand va ong chite ki bawl nai lou ma ahi. Azieh ahileh Pasian in ama a ki tulut zou zingte lampi ding honsah zing nalai ahi man hiva chi ing.
ZLT: Maban hun hing tung jel dingah, mi dangte bawl dan in I nam sung a sepna neite leh innsuon chivel ah sum don na bawl sawm vuai leh?
KKP: Tua pen a hun leh a mun zil in hing ki bawl jel nalou diing amah? Mi dang in a nget chienga niel gamlou a pete'n I nam sung etkolna diinga a piehni uh hing um tham diing ahi.
ZLT: Sawtsim ta ma leh them khat hing dong nalai vang. Tutung a UPF min a hiemkhamna suoi kai a nang pan kha bang chi dan a alampi hing kihong hi jel ta?
KKP: Zouthai te chidan hileh "Pasian ziehma hijeel!" I mupha ban lou leh I lam et lou bang tah a lampi Pasian in hing honsah jel. Alam pi hing kihong tou tou in unaute deisahna toh August 22, 2008 ni'n Delhi Tualpi ah Manipur Govt, India Govt apat Home Department lamte toh UPF leh KNO in suoi kai a tuona ei zong vaki pang kha zel mai. Pasian sil bawl ma ahi.
ZLT: ZRA lam ah zong ZDV tangval bangja ahiei lutta aki chi a, thudih ahina e?
KKP: Dihna, 2007 kum in Tuibuang leh Bijang, Kamdouveng leh tua phei ah ki khosa hi. Hinanleh I sung a vai dih lou a hing saitu a um zieh in Pu Chungkhojam August 23, 2007 ni'n hing tha sah ua, (ZLT: Koite tha dan e?) mi dangte vaisaina toh eima leh eima ki that ki hi e. Tualeh August 31, 2007 ni'n Pu Pumzapao leh Pu Kapsuonthang te ahing thasah kia uhi. Tuazieh in damna ding sui in ZRA lam ah I tangval group khat ana taima ahi uhi.
ZLT: Tua chia nou sung apat taidohte tungah bang silpieh na nei sawm vuai leh?
KKP: Tapa taimangpa banga kisia a a pa kung a zot kia leh bang chilai pou a ngaidam di'a man sa ki hi zing ahi.
ZLT: Na hun zong kinaw simta in, a tawpna ding in I Zou mipite kungah bang vaiha nuom na nei ei? Tomkim in.
KKP: Vaiha nuom pen tam ven, ahin poimaw kasha khen khat ahileh.
1. Nampi lamkai, ma ni gilpi khuollou khat I nei uh a ngai hi. Tua I nei masang uh I nampi pen mite vaihawm khum I hi zing ding uhi.
2. Mipite'n lung kelou in ana ngah ham ham nalai pou lei, I nam sung leh I gam sung ah ZDV in vai hing hawm pai ding ahi.
3. Buoina, bangna I nei chieng ua mite nuoi a I tungthu khendi'a va kuun khou khou ngailou ahi. I Zou sungthu khen dinga UZO, ZWC um hilou ahiei mah? Tuate'n akhen thei lou leh apoimaw bang a thu kikhen ding ahi.
4. Zou tate'n Pasian giing pum in dihtatna toh nna sem pou lei, koima khut nuoi a um diingte ki hi lou hi. Guntuna ki tasam, dihtatna ki poimaw, Pasian ngaisahna tawm. Zu-le-kham thei a kimawlna I lah ah uang. Tamte ahi bangtah a I zah thei lou laisie ki khang theilou ding ahi.
5. UZO in mimal kimudana zieh a si le lang nei a vai ahawm lou ding, Zou ahipou leh aki bang a a koi ding ahi. Mimal a ki thei siemlouna ana um ta lezong, Nampi lamkai ahing hi chieng ua tuote a pampai ua, apoimaw bang anasep apankhawm ding uh ahi.
6. UZO danbu zong tu masang a bang a a um kia ngai. Adang teng zong phana, ahi'n "Zou ham zang teng Zou ahi" achi khel khel pen I gam neu suhsuh ahiman in tam pen akin lam a siemphat kia poimaw kasa hi.
7. Zou nampi ahileh hun nukhie a ding I hi tau hi. Tua ahiman in salam, khalam a ki siemtha ding in Zou mipite ZDV te'n ka chiel un, ka deisah thu uh ka tun uhi.
ZLT: Khaile, nang zong kinaw pien sim chin, tam tan ah nga phot tavai maw le?
KKP: Na chileh hita ven.
ZLT: Na hun manpha tah I nampi a diinga na'ng khiet man in lungdam mama ing e.
KKP: Kei zong lungdam ing e. Damvai aw le.
ZLT: Dam vai e. I nam leh I gam a diing in.
Source: Zolengthe.net
T. Zamlunmang Zou
Comment kipete:
Comments (10) |
| 1. Written by Tungnung, on 05-09-2008 01:49 , IP: 122.163.249.1 Pu Admin, Khamkhanpao hilou in KAMKHANPAO hizaw di dan hi. Please make correction. |
| 2. Written by admin, on 05-09-2008 02:02 , IP: 203.78.4.10 Sorry for the Typo Correction Done! |
| 3. Written by lala, on 05-09-2008 12:00 , IP: 93.172.135.29 khat leh khat ki simmaw kei lei ZDV bang phuk khiak a om lou ding hia maw......bang i gen ta dia.....nam khat in mani ki vengtup na ding chu poi maw tak mah hi tulai i Zogam gam ah. |
| 4. Written by sumchinmang, on 05-09-2008 13:40 , IP: 59.145.136.1 "lou ma kikhat selung tuak loua.. bng chiin machiang i suan ta dia" |
| 5. Written by thang_samte, on 05-09-2008 14:12 , IP: 15.219.201.69 Sim nuam thou eh !Zomite Hitler sang a le gal bawl ki siam zaw eh!Ki nelhsiah ziak a hong piang dan eive maw..!!Vaigam a omten le vaigam defence force phut khe le avele..vai ten hon sim mawhmawh utoh maw..Delhi zomi defence force,Mumbai Zomi defence force..Kolkata defence force..Defence force dang te interview na dang le hon suah zel uaiii..sim nop eh.. |
| 6. Written by Khawkthou, on 05-09-2008 15:09 , IP: 164.100.1.36 Tua hunlai in lamkai hangsan leh Zou nam it I na umlou zieh in unao Paite te'n simmawna leh musitna sangtah nei in mawna neilou Zou ta tha-le-mat mai hilou, inn-le-lou haltum sah a'ng thuo zieh un ki pawna seng ahiman in I Zou nam venbit sawmna toh ZDV ana kiphutkhie hi.[B]Tua hunlai in lamkai hangsan leh Zou nam it I na umlou zieh in unao Paite te'n simmawna leh musitna sangtah nei in mawna neilou Zou ta tha-le-mat mai hilou, inn-le-lou haltum sah a'ng thuo zieh un ki pawna seng ahiman in I Zou nam venbit sawmna toh ZDV ana kiphutkhie hi Chidan e, huailai a site zo CID a chih2 te uh hive o |
| 7. Written by Tungnung, on 05-09-2008 15:54 , IP: 61.95.235.149 CID, bang ID chia ki gen gen ngai nawn lou, I singneimi te zong mun khat a a um khawm theina ding ua thu gen ten zong pil vang tah a gen kul kasa hi. CID i chi leh a khojang ua CID pawl zong um dan a ve maw? Thupi thei na mama hang e. |
| 8. Written by maitaamtok, on 05-09-2008 17:16 , IP: 125.19.29.82 Hiai interview na public forum a hong ki publish khia ahi a, readers ten free tak a opinion form theih, comment bawltheih chihna leng ahi mai hi. Huaiziak in kisuang lah hetlou in ka opinion/view te kon gelhle ziah2 ding. Zolengthe.net leh ZDV C-in-C pu ki houna nalh a, C-in-C pu in open tak a dotna a dawn te a thupi hi. Pu ZLT bang in i Heutu khenkhat va interview dek le hang ekbuk sung khawng a honna khum maimah ding aihchiang ua! C-in-C pu in Paite te'n Zou te simmohna leh muhsitna sangtak nei in a ngoh a, hiai ahihleh thudik pumlum hikei mahleh bangtan hiam ah a dikna chiang om hileh kilawm hi. Ahihhang in Paite milip teng2 in Zou milip teng va simmoh ahi zen2 kei, mun khenkhat, khua khenkhat leh veng khenkhat kilkawm deuh, Paite lak a leng "a phengphi/mawl/kawi deuh" te thil hih ahi peuhmah a, Paite nam pumpi va minloh theih tuanlouh hi. Kong tamtak a Paite ten Zou te a phak zohlouh na uh a om hi. Zouthai, Paupu The Hero leh Mauna Ngen sensation bang Zou ten Paite te naktak in kheng ua, i tenna Manipur leh Imphal lak khawng ah Paite te sang in Zou te chethei zaw uhi, Zou ten ahihleh Meitei pau a thei ua, Paite te bel ki deihkhop sim un mi pau mawk theih sawmlou uhi. Tua kia hilou in Lamka jang khawng ah special contractors Paite sang in Zou tamzaw uhi. Gen ding dang leng a tam.. Paite te leng bangmah ahi tuankei, a MLA te leh heutu te un Paite mipi te a ut dandan ua a talkaih mai2 uh ahi. Huaiziak in a kisim moh tuam ding om khang e, ei teng liliai.. ZDV programsn & policies te i suichiang in belhchian dawl lawm2 lou hi a theih in a om hi. Tup & paipih kichian neilou a, bak (bat) bang a alang lang bel a bang sim hi. Paite namte huatna ziak a ki form khia a batna chiang om, out of hatred. C-in-C pa thugen ki contradict nih a om: "unao Paite te'n simmawna leh musitna sangtah nei in mawna neilou Zou ta tha-le-mat mai hilou, inn-le-lou haltum sah a'ng thuo zieh un ki pawna seng ahiman in I Zou nam venbit sawmna toh ZDV ana kiphutkhie" chih leh "(KNO) ka'ng pawtna san uh ahileh KNO sungah Divide & Rule Policy zang in ZDV ahing kitattuo sah ua, eima-le-eima ahing ki that tua sah ta uhi." First quotation pen ah PAITE nam pumpi tung ah allegation bawl a, second quotation ah bel KNO min lel bawl leuleu hi. Unau Zou te inn haltum te ahih leh Paite nam pumpi ahikei a, thautawi pawl khat lel ahi hi. Huaimah bang in Kuki nam pumpi in Zou te tung ah Divide & Rule policy a bawl kei a, KNO te mai2 ahi. Huaiziak in ZDV C-in-C racist ideas te hi tulai khovel ah applicable nawn khollou dan ahi. |
| 9. Written by Khawkthou, on 05-09-2008 17:27 , IP: 164.100.1.36 Full support maitaamtok ka gen utteng non genkhe geih a. |
10. Written by swasbuckling, on 05-09-2008 18:45 , IP: 59.178.92.142
.....Paite te'n simmawna leh musitna sangtah nei in mawna neilou Zou ta tha-le-mat mai hilou, inn-le-lou haltum sah a'ng thuo zieh un ki pawna seng ahiman in I Zou nam venbit sawmna toh ZDV ana kiphutkhie hi.....
paite mipi sik leh taang in ngaihdam ka ngen ahi!!!
....hamphatna tampi toh ki um ahi. Kum 2002 in PREPAK te tung tawn in free sponsore kimu a, tuachi'n ama uh khut zang in training kipan kia thei.....
Kum 2003 kum in Sajik Tampak area ah BSF te toh huoise tah mai in kikaptuona tampi vei akinei hi.....
meitei te khut nuai a om mai mai, puppet mai mai di'n mo???!!!!! a ut dan dan ua hon vai hawm khuim ahih lam theipha lou? non -naga singtangmi te kaal kituah louh nang a deih ziak ua hon panpih ahih lam thei kha lou????divide and rule policy mah hi thou lou hiam,?? sajik tampak a UNLF te Army te'n operation/hawlkhiak a sawm uh kha ZDF te anahi maimah abang a?!!!!
....Tualaitah in ahileh unau UKLF leh KNF te deisahna leh panpina toh kum 2008 kumbul apat in aki khosa phot hi........
Ka'ng pawtna san uh ahileh KNO sungah Divide & Rule Policy zang in ZDV ahing kitattuo sah ua, eima-le-eima ahing ki that tua sah ta uhi. Tua ahiman in Manipur pulang mun tuom tuom ah ZDV tangvalte koi khiet ahita uhi...........
koi lam a tai tai mai ding mo???? koi pe'n beel ding? chih a buai ni louh mai ding mo?????
wat next??????NSCN?HPC?CNF?
...lolzzzzzzzzzzz
.....Paite te'n simmawna leh musitna sangtah nei in mawna neilou Zou ta tha-le-mat mai hilou, inn-le-lou haltum sah a'ng thuo zieh un ki pawna seng ahiman in I Zou nam venbit sawmna toh ZDV ana kiphutkhie hi.....
paite mipi sik leh taang in ngaihdam ka ngen ahi!!!
....hamphatna tampi toh ki um ahi. Kum 2002 in PREPAK te tung tawn in free sponsore kimu a, tuachi'n ama uh khut zang in training kipan kia thei.....
Kum 2003 kum in Sajik Tampak area ah BSF te toh huoise tah mai in kikaptuona tampi vei akinei hi.....
meitei te khut nuai a om mai mai, puppet mai mai di'n mo???!!!!! a ut dan dan ua hon vai hawm khuim ahih lam theipha lou? non -naga singtangmi te kaal kituah louh nang a deih ziak ua hon panpih ahih lam thei kha lou????divide and rule policy mah hi thou lou hiam,?? sajik tampak a UNLF te Army te'n operation/hawlkhiak a sawm uh kha ZDF te anahi maimah abang a?!!!!
....Tualaitah in ahileh unau UKLF leh KNF te deisahna leh panpina toh kum 2008 kumbul apat in aki khosa phot hi........
Ka'ng pawtna san uh ahileh KNO sungah Divide & Rule Policy zang in ZDV ahing kitattuo sah ua, eima-le-eima ahing ki that tua sah ta uhi. Tua ahiman in Manipur pulang mun tuom tuom ah ZDV tangvalte koi khiet ahita uhi...........
koi lam a tai tai mai ding mo???? koi pe'n beel ding? chih a buai ni louh mai ding mo?????
wat next??????NSCN?HPC?CNF?
...lolzzzzzzzzzzz
Posts
No comments:
Post a Comment